Komuniteti i Sant'Egidio - Më të rinjtë

MË DATEN 9 MAJ 1999 U ZHVILLUA NË ROMË MITINGU
"FJALËT FËMIJËVE
ZËRA TË VEGJËL KUNDËR PADREJTËSIVE TË MEDHA"
I ORGANIZUAR NGA LËVIZJA
E VENDIT TË YLBERIT.

Në mitingun e zhvilluar në një ndër sheshet më të bukura të Romës, Piazza Navona, morën pjesë më se 7.000 veta, shumica e të cilëve kanë qenë fëmijë dhe të rinj nga Roma (u bashkuan nja njëqind shkolla) që deshën të shpreheshin me zë të lartë në të mirë të bashkëmoshatarëve të tyre që jetojnë në kushte të vështira në vende të tjera të botës.

Mitingu ka qenë veprimtaria e fundit në mbarim të një pune të zhvilluar nëpër shkollat nga vetë fëmijët dhe te rinjtë e lëvizjes së Vendit të Ylberit, me të organizuar kështu ekspozita, takime dhe materiale të ndryshme.

Diskutimet e fëmijëve e të rinjve të ardhur nga shumë vende të botës, secili mbi një temë të ndryshme, u dëgjuan në shesh nga një turmë e shumëngjyrshme e cila, në fund të mitingut, nënshkroi një apel për të bërë që të mbarojnë padrejtësitë e shumta për të cilat fëmijët bien viktima në çdo anë të botës.