Komuniteti i Sant'Egidio - Më të rinjtë

Komuniteti i Sant’Egidio

VENDI I YLBERIT

Jemi fëmijë nga e gjitha bota dhe duam ta ndryshojmë botën. Siç është tani nuk na pëlqen. Eshtë plot me gjëra të bukura por shumë njerëz vuajnë nga uria, nga luftrat, sepse kanë ngjyra e ndryshme e lekurës ose sepse i forti kërkon të shtypë të dobtin. Planeti ynë është plot me gjëra të bukura por është gjithnjë e më i mbushur me mbeturina, ajri është gjithnjë e më mbytës dhe uji është gjithnjë e më i ndotur.

Duam një botë më të drejtë e më njerëzore, pa ndarje midis popujve, midis të bardhëve, të zinjve e të verdhëve, midis të pasurve e të varfërve, midis të rinjve e të moshuarve. Ne duam të ndërtojmë një botë më të pastër ku ndotja nuk t’i zverdhë pyjet e nuk ta bëjë ujin ngjyrëgështenjë, ku të ketë vend për të gjitha ngjyrat e për të gjithë njerëzit.

Duam të jetojmë në paqe. Nuk na pëlqen të rritemi në një botë me luftë, sepse ajo është e marrë; madje edhe ai që e fiton luftën, vuan dhe ka gjithmonë frikë. Duam t’u themi të gjithëve që është më e rëndësishme të shpetosh botën se sa të kesh shumë para. Eshtë më mirë të kesh një bluzë dhe një palë këpucësh më pak se sa të lejosh që fëmijët të punojnë si skllevër në shumë vende të botës.

Jemi miq të të gjithëve edhe të atyre që askush nuk i do pranë. Jemi miq të të moshuarve, meqë nuk është e drejtë që ata të jetojnë vetëm. Jemi miq të atyre fëmijëve të ashtuquajtur "të ndryshëm" sepse ata janë si ne, edhe pse nuk dinë të vrapojnë ose të flasin. Jemi miq të të huajve, të atyre që disa njerëz duan t’i dërgojnë në vendin e tyre, edhe pse këta nganjëherë një shtëpi mund të mos kenë. Jemi miq të natyrës, miq të vërtetë, jo si ata që djegin pyjet e ndotin detin.

Jemi shumë por nuk jemi të gjithë njëlloj. Jemi të shumë ngjyrave e të të gjithave moshave por jo për të bërë luftë me njëri-tjetrin. Zotohemi të rritemi së bashku e të mos lejojmë që njerëzit e dhunshëm t’ua vjedhin fëmijërinë fëmijëve.

Duket e vështirë por është e lehtë. Nuk lëjmë gjë pa bërë. Ngjyrat tona janë: e bardhë dhe me të pastrojmë botën. E kuqe: miqësi dhe solidaritet. E verdhë: djelli që na bashkon. E gjelbër: bari mbi të cilin luajmë. Blu: si nata që nuk duhet të trembë më askënd. Këto janë ngjyrat e së ardhmes. Janë ngjyrat e Zotit.

Ky është Vendi i Ylberit

Romë, më 4 tetor 1998