|
Comunità
di Sant'Egidio
NARODO PALA E MIR
Amèn sam but genè katar cito o sveto: amen sam katar but natzije, but narodo, but tradizie te but relìgia.
AMEN SAM O NARODO PALA E MIR
Maskar amende hi genè che muklà lenghe foruri pala o maripè, sokè but mrzinle.
Hi genè ke muklà lenghe cerà te lenghe familije, sokè manghèn iek sudbjna mai sciukàr.
Aver givìn ande sciukàr foruira, kaj naj e bohkalè te o maripè visce.
AMEN SAM O NARODO PALA E MIR
Hi amende ehk sunò: ke sa o narodo bescèl zajno, kaj niko hi iehk stranzo.
Mangah te givìsarah maskar but narodo kaj naj sam sa isti, kaj svakonoki tradizia hi lacì.
Gianah ke mora te postovisarah svakonoke, ke e mir, e ciacipè nahi iehk sunò, ali gova hi istina ke sciaj pomogì o sveto kaj givisarah.
AMEN SAM O NARODO PALA E MIR KE PACIAN:
Ke mora te postovisarah svakonoke, svako givoto hi e devleko: sa sam e Devleki ciavorrè.
Ke o mir hi maj zoralò katar sa e sila, te sciaj iklel angla svakonò o lacipè.
Ke hi sciukàr ke amen borisava te givin sa o narodo ande iek sveto maj ciaciò te maj laciò.
Ke mora te pomogisarah svakonoke, mora te pomogisarah maj but golè kaj patì te kaj nahi zor.
Ke sa o narodo manghel te avel o mir.
Amen mangah te givisarah gajà, te o Del pomogil amen.
Hi amende but cibà, but tradizije, but relìgia, ali amarò lijubav pala e mir cerel amen sar pralè te pheià, sar e Devleki ciavorrè.
AMEN SAM JEK NARODO PALA E MIR
Roma, 9 Ottobre 1999
|
